बुटवल । बुटवलको बेलबास चोकमा स्कुटर र मोटरसाइकल एकआपसमा ठोकिदा एक जनाको मृत्यु भएको छ भने अन्य २ जना घाइते भएका छन् । सोमबार बिहान लु १९ प ८८७५ नम्बरको मोटरसाइकल र विपरीत दिशाबाट आइरहेको लु ८५ प ३१३३ नम्बरको स्कुटर बेलबास चोकमा एक आपसमा ठोकिदा एकजनाको मृत्यु भएको हो ।
इलाका प्रहरी कार्यालय बुटवलका प्रमुख विजयराज पण्डितका अनुसार दुर्घटनामा परि मृत्यु हुनेमा बुटवल उपमहानगरपालिका १३ का २३ वर्षीय अंकृत पाठक रहेका छन । दुर्घटनाबाट गम्भीर घाइते भएका स्कुटरका चालक पाठकको उपचारको क्रममा लुम्बिनी प्रादेशिक अस्पताल बुटवलमा निधन भएको प्रहरी प्रमुख पण्डितले बताए ।
यस्तै दुर्घटनामा परी अंकृत पाठककी ४३ वर्षीया आमा गौमुखी पाठक गम्भीर घाइते भएकी छिन् ।
साथै मोटरसाइकका चालक कपिलवस्तुको वाणगंगा घर भएका १८ वर्षीय सागर थारु प्नि घाइते भएका छन् । घाइते दुबै जनाको लुम्बिनी प्रादेशिक अस्पताल बुटवलमा उपचार भइरहेको प्रहरीले जनाएको छ ।
घाइते मध्य ४३ वर्षीया पाठकको अवस्था गम्भीर रहेको छ ।
प्रतिक्रिया