नवलपरासीको गैँडाकोटमा बसको ठक्करबाट हजुरआमा र नातीको मृत्यु

नवलपुर । नवलपरासी (बर्दघाट सुस्तापूर्व) नवलपुरकाे गैँडाकोटमा बसकाे ठक्करबाट २ जना मृत्यु भएकाे छ । गैँडाकोट-१० भैसाखाेरीमा गैँडाकोटबाट कावासाेतीकाे लागि छुटेकाे ग ७ ख २५२५ नम्बरकाे बसले पैदलयात्रीलाई ठक्कर दिंदा २ जनाकाे मृत्यु भएकाे हाे ।

बसकाे ठक्करबाट गैँडाकोट ११ निवासी पुष्पराज श्रेष्ठका ७ वर्षीय छाेरा विशाल श्रेष्ठकाे घटनास्थलमै मृत्यु भएकाे जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पाैडेलले बताए ।

त्यसैगरी बसकाे ठक्करबाट गम्भीर घाईते बालकका मामाघरका हजुरआमा स्याङ्जा जिल्ला निवासी ५५ वर्षीया श्रीमाया मानन्धरकाे पनि उपचारका क्रममा राति साढे १० बजेतिर मृत्यु भएकाे छ ।

घाइते श्रीमायाको उपचारका क्रममा पुरानो मेडिकल कलेज भरतपुरमा गएराति मृत्यु भएको प्रहरी नायव उपरीक्षक पौडेलले बताए । प्रहरीका अनुसार ठक्कर दिने सवारीसाधन र चालक प्रहरी नियन्त्रण छन् ।