तिनाउको ड्याममा डुबेर एक भारतीय युवकको मृत्यु

बुटवल । पाल्पाको तिनाउ गाउँपालिका ३ स्थित तिनाउ खोलाको पावर हाउसको ड्याममा पौडी खेल्ने क्रममा एकजना भारतीय नागरिकको मृत्यु भएको छ । पाल्पाको तिनाउ-३ स्थित पावर हाउसको तिनाउ खोलाको पौडी खेल्ने क्रममा भारत उत्तरप्रदेश आगराबाट घुम्न आएका २६ वर्षिय विशाल कुमार जातवको मृत्यु भएको प्रहरीले जनाएको छ ।

तिनाउखोलामा भारत उत्तरप्रदेश आगराबाट घुम्न आएका विशाल पौडी खेल्ने क्रममा डुबेर बेपत्ता भएको भन्ने खवर प्राप्त हुनासाथ प्रहरी चौकी दोभानबाट खटिएको प्रहरी टोलीले खोजतलास गर्ने क्रममा इलाका प्रहरी कार्यालय बुटवल रुपन्देहीको एरियामा मृत अवस्थामा फेला परेको पाल्पा प्रहरी प्रवक्ता डिएसपी सुगन्ध श्रेगठले बताए ।

घटना सम्बन्धमा प्रहरीले थप अनुसन्धान कार्य जारी राखेको प्रहरीले जनाएको छ ।