भाइटीकाको साइत ११ बजेर ३७ मिनेटमा, कुकुर तिहारकै दिन लक्ष्मीपूजा

काठमाडौं । यसवर्षको भाइटीकाको साइत विहान ११ बजेर ३७ मिनेटमा रहेको छ । नेपाल पञ्चाङ्ग निर्णायक समितिले आज एक सूचना जारी गर्दै भाइटीकाको साइतको जानकारी दिएको हो ।

बिहान ११ बजेर ३७ मिनेट भाइटीकाका लागि उत्तम साइत रहेको र टीका पश्चिम मोहडा गरेर टीका थाप्न उत्तम हुने समितिले जनाएको छ ।

समितिका अनुसार १३ गते धनतेरस, १४ गते काग तिहार, १५ गते कुकुर तिहार परेको छ । समान्यतया औंसी तिथिमा लक्ष्मीपूजा हुने गरेपनि यसवर्ष कुकुर तिहारकौ दिन लक्ष्मीपूजा हुनेछ ।

१६ गते औंशी छ भने १७ गते शनिबार गाई गोरु तिहार, नेपाल संवत २०४५ प्रारम्भ तथा म्ह पूजा परेको पाञ्चाङ्ग निर्णायक समितिले जनाएको छ ।

हेर्नुहोस् पाञ्चाङ्ग निर्णायक समितिको सूचना