रास्वपाद्वारा दोस्रो चरणको आन्दोलनको घोषणा

काठमाडौँ । राष्ट्रिय स्वतन्त्र पार्टी (रास्वपा)ले सभापति रवि लामिछानेविरुद्ध गरिएको कारवाही रास्वपाको बढ्दो प्रभाव र जनसमर्थन दबाउन सत्तारुढ राजनीतिक दलहरूले गरेको सुनियोजित षड्यन्त्र भएको बताएको छ ।

शनिबार बसेको रास्वपाको केन्द्रीय समितिको बैठकले लामिछानेविरुद्ध गरिएको कारवाहीलाई राजनीतिक प्रतिशोधको निकृष्ट कृत्य ठहर गर्दै भर्त्सना गरेको छ ।

त्यस्तो षड्यन्त्रविरुद्ध आम नागरिक र राष्ट्रिय हितका शक्तिहरूको सहकार्यमा दोस्रो चरणको सशक्त आन्दोलन गर्ने निर्णय गरेको गरेको छ ।

बैठकले दोस्रो चरणको आन्दोलनको घोषणा गरेको छ। केन्द्रीय समितिको बैठकले दोस्रो चरणको आन्दोलनको घोषणा गरेको रास्वपा कार्यवाहक प्रवक्ता मनिष झाले विज्ञप्ति जारी गरी जानकारी गराएका छन् ।

‘सभापति रवि लामिछानेविरूद्ध गरिएको कारबाहीलाई राजनीतिक प्रतिशोधको निकृष्ट कृत्य ठहर गर्दै रास्वपा यस कार्यको घोर भ्रर्त्सना गर्दछ,’ विज्ञप्तिमा भनिएको छ, ‘यो कारबाही सत्तारूढ राजनीतिक दलहरूले रास्वपाको बढ्दो प्रभाव र जनसमर्थनलाई दबाउन गरेको सुनियोजित षड्यन्त्र हो भन्ने हाम्रो ठम्याइ छ।’ झाको विज्ञप्तिमा उल्लेख गरिएको छ ।

सहकारीको रकम ठगी, संगठित अपराध र सम्पत्ति शुद्धिकरण कसुरमा पार्टी सभापति रवि लामिछानेलाई प्रहरीले हिरासतमा राखेर अनुसन्धान गरिरहेको छ ।