काठमाडौं । नेपाल पत्रकार महासङ्घको निर्वाचन मंसीर २८ गते हुने हुनेगरि कार्यतालिका सार्वजनिक भएको छ । आज निर्वाचन तेस्रो पटक कार्यतालिका सार्वजनिक गर्दै महासंघले निर्वाचन सम्बन्धी जानकारी दिएको हो ।
सार्वजनिक कार्यतालिका अनुसार यसै साता अर्थात मङ्सिर २१ गते केन्द्रको, २४ गते प्रदेशको र २६ गते जिल्ला तथा शाखा कमिटीको शुक्रबार उम्मेदवारको मनोनयन दर्ता हुने भएको छ ।
त्यसैगरी मङ्सिर २२ गते केन्द्रको उम्मेदवारको अन्तिम नामावली सार्वजनिक गरिनेछ भने मतदान मङ्सिर २८ गते बिहान १० बजेदेखि अपराह्न ४ बजेसम्म चल्नेछ ।
तोकिएको मितिमा मनोनयन दर्ता गर्ने गरी व्यवस्था मिलाउन सम्बन्धित निर्वाचन समितिलाई अनुरोध समेत गरिएको छ । केन्द्रीय निर्वाचन समितिले निर्वाचन कार्यतालिका सार्वजनिक गरेपनि लुम्बिनी प्रदेशको कपिलवस्तुमा भने सोमबार मात्र असन्तुष्ट समुहबाट तालाबन्दी गरेको छ ।
यसअघि २ पटक निर्वाचन कार्यतालिका प्रकाशन भएपनि सदस्यता सम्बन्धी विबादका कारण निर्वाचन हुन सकेको थिएन ।
प्रतिक्रिया