काठमाडौं । त्रिभुवन विश्वविद्यालयको कार्यकारी परिषद्ले रिक्त रहेका आठ डिनको नियुक्ति गरेको छ ।
कार्यकारी परिषद्ले शनिबार डिन नियुक्त गरेको हो । यसैगरी ३ वटा अनुसन्धान केन्द्रका कार्यकारी निर्देशक नियुक्त भएका छन् । नियुक्त भएका सबैलाई आजै नियुक्तिपत्र हस्तान्तरण गरी पदस्थापन गर्ने कार्यक्रम छ।
नियुक्त भएकामध्ये मानविकी तथा सामाजिकशास्त्र संकायमा प्राध्यापक डाक्टर दुवीनन्द ढकाल रहेका छन् । यसैगरी चिकित्साशास्त्र अध्ययन संस्थानमा प्राडा मोहोनराज शर्मा नियुक्त भएका छन् भने व्यवस्थापनमा प्राडा महानन्द चालिसे नियुक्त भएका छन् ।
छनौट समितिले सिफारिस गरेका तीन जनामध्येबाट कार्यकारी परिषद्ले नियुक्त गरेको हो । यसअघि सिफारिस भएका ३ जनामध्ये पहिलो नम्वरकोलाई नियुक्त गर्ने या दोस्रो र तेस्रो नम्वरकोलाई पनि सिफारिस गर्ने भन्ने विषयमा विवाद थियो ।
त्रिविका कुलपति एवं प्रधानमन्त्री केपी शर्मा ओलीले पुस ७ गतेभित्र डिन नियुक्ति गर्न कार्यकारी परिषद्लाई निर्देशन दिएका थिए ।
को कोले पाए नियुक्ति ?
डिन
मानविकी तथा सामाजिकशास्त्र : प्राडा दुवीनन्द ढकाल
व्यवस्थापन संकाय : प्राडा महानन्द चालिसे
चिकित्साशास्त्र अध्ययन संस्थान : प्राडा मोहोनराज शर्मा
शिक्षाशास्त्र संकाय : प्राडा बेदराज आचार्य
वन विज्ञान अध्ययन संस्थान : सहप्राध्यापक ठाकुर सिलवाल
विज्ञान तथा प्रविधि अध्ययन संस्थान : प्राडा शंकर खनाल
कृषि र पशुविज्ञान अध्ययन संस्थान : सहप्राध्यापक डा.किशोरचन्द्र दाहाल
इन्जिनियरिङ अध्ययन संस्थान : प्राडा सुशीलबहादुर बज्राचार्य
तीन निर्देशक
शिक्षा विकास तथा अनुसन्धान केन्द्रको निर्देशक : डा. सहप्राध्यापक राजेन्द्र कुँवर
व्यवहारिक तथा प्रविधि अनुसन्धान केन्द्रको निर्देशक : प्राडा मिनाराज भण्डारी
योजना निर्देशनालयका निर्देशकमा सहप्राध्यापक : डा. लक्ष्मीकान्त शर्मा
प्रतिक्रिया