चितवनलाई कर्णालीले दियो १७६ रनको लक्ष्य

काठमाडौं । नेपाल प्रिमियर लिग (एनपिएल)अन्तर्गत आज भएको इलिमिनेटरको खेलमा कर्णाली याक्सले चितवन राइनोजलाई १७६ रनको लक्ष्य दिएको छ।

टस जितेर पहिले फिल्डिङ राजेको चितवनले कर्णालीका ब्याट्म्यानको रनको वर्षालाई रोक्न सकेन । कर्णालीले ६ विकेटको क्षतिमा १७५ रन जोड्यो। जारी एनपिएलमा कर्णालीको यो नै उच्चतम रन हो ।

कर्णालीका ओपनिङ ब्याट्सम्यान जयकिशन अनिलभाइ कोल्सावालले अर्धशतक प्रहार गर्दै ५३ रन जोडे । यो उनको डेब्यू खेल थियो । यस्तै मध्यक्रमका ब्याटर विलियम बोसिस्टोले पनि अर्धशतक प्रहार गर्दै ५२ रन जोडे ।

चितवनका सोहेल तन्विरले उनले ४ ओभरमा २४ रन दिएर २ विकेट लिए। रवी बोपारा, शरद भेषवाकर र कुशल मल्लले समान १/१ विकेट लिए ।

यो खेलको विजेता दोस्रो क्वालिफायरमा पुग्नेछ भने पराजित हुने टोली बाहिरिनेछ।