काठमाडौं । कर्णाली याक्स चितवन राइनोजलाई पराजित गर्दै एनपीएलको क्वालिफायर टु मा पुगेको छ ।
त्रिवि क्रिकेट मैदानमा आज भएको एलिमिनेटर खेलमा कर्णालीले चितवनलाई २१ रनले पराजित गरेसँगै क्वालिफायर टुमा प्रवेश गरेको हो ।
१७६ रनको लक्ष्य पछ्याएको चितवनले निर्धारित २० ओभरमा १५४ रन मात्र बनाउन सक्यो । अब कर्णालीले क्वालिफायर वान को पारजित टोलीसँग क्वालिफायर टु मा खेल्नेछ ।
चितवनका लागि रवि बोपाराले ३४ बल खेल्दै ३ चौका र ४ छक्का मद्दतमा ५३ रन बनाउन सके । कप्तान कुशल मल्लले २१ रन बनाए ।
कर्णालीका जिशान मकसुदले ३ विकेट लिए भने सोमपाल कामी र नन्दन यादवले समान २÷२ विकेट लिए । विपिन प्रसाद शर्माले १ विकेट लिए ।
त्यसअघि जयकिसन कोल्सावाला र विलियम बोसिस्टोले अर्धशतकको मद्दतमा कर्णालीले ६ विकेट गुमाएर १७५ रन बनाएको थियो ।
प्रतिक्रिया