काठमाडौं । राष्ट्रिय स्वतन्त्र पार्टी (रास्वपा)ले डोलप्रसाद अर्याल (डीपी अर्याल))लाई कार्यवाहक सभापतिको जिम्मेवारी तोकेको छ ।
सभापति रवि लामिछाने विरुद्ध कास्की जिल्ला अदालतमा मुद्दा दायर भएको भोलिपल्ट बसेको रास्वपाको सचिवालय बैठकले अर्याललाई कार्यवाहक सभापति तोक्ने निर्णय गरेको हो ।
बैठकपछि प्रवक्ता मनिष झाले भने, ‘सभापति लामिछानेको सिफारिसमा उपसभापति अर्याललाई कार्यवाहक सभापति तोक्ने निर्णय सचिवालय बैठकले गरेको छ ।’
सभापति लामिछाने विरुद्ध मुद्दा प्रक्रिया अघि बढेपछि जिल्ला प्रहरी कार्यालय कास्कीले संसद सचिवालयलाई पत्राचार गरेको छ । यद्यपी, सभामुख देवराज घिमिरेले लामिछानेको सांसद पद पनि निलम्बन हुने या नहुने विषयमा अहिलेसम्म निर्णय गरेका छैनन्।
प्रतिक्रिया