बुटवल । माघे संक्रान्तिको अवसर पारेर बुटवलमा संचालन भएको प्रथम मेयर कप खुला भलिबल प्रतियोगिताको उपाधिको लागि गोलपार्क भलिबल क्लब र मणिमुकुन्द भलिबल क्लब “बि” प्रतिस्प्रर्धा गर्ने भएको छ ।
बुटवल उपमहानगरपालिकाको संरक्षकत्व र मिर्मिरे युवा क्लबको आयोजनामा बंदेलपोखरी खेलमैदानमा सोमबार भएको पहिलो सेमीफाईनलमा गोलपार्क भलिबल क्लबले मणिमुकुन्द भलिबल क्लब “ए” लाई २५-२७, २८-२६, २५-१७, २३-२५ ,१५-९ को सेटमा पराजित गर्दै फाईनल यात्रा तय गरेको हो । यसैगरि दोस्रो सेमिफाईनल खेलमा मणिमुकुन्द भलिबल क्लब “बि” ले न्यू होराईजन “बि” लाई २५-२३, २५-२०, २५-१७ को सोझो सेटमा पराजित गर्दै फाईनलमा प्रवेश गरेको हो । यसैगरि तेस्रो स्थानको लागी न्यू होराईजन “बि” र मणिमुकुन्द “ए” का बिचमा खेल हुने भएको छ । फाईनल र तेस्रो स्थानको लागि खेल मंगलबार हुने क्लबका अध्यक्ष शेरजंग गुरुङले बताए ।
प्रतियोगिताको उपाधि विजेताले नगद १ लाख १ हजार रुपैया, कप, मेडल, प्रमाणपत्र तथा उपविजेताले नगद ६० हजार १ सय रुपैया, कप, मेडल, प्रमाणपत्रबाट पुरस्कृत गरिने छ । तृतीय हुनेले ३० हजार १ सय नगद कप मेडल प्रमाणपत्र र सान्त्वना हुने टिमले १५ हजार १ सय, कप मेडल प्रमाणपत्र तथा प्रतियोगितामा उत्कृष्ट खेल प्रदर्शन गर्ने खेलाडीलाई नगद तीन हजार रुपैया तथा विधागत तर्फ उत्कृष्ट ५ जना खेलाडीहरूलाई नगद १ हजार ५ सय रुपैयाबाट पुरस्कृत गरिने उनले बताए । माघ १ गतेसम्म चल्ने प्रतियोगितामा आठ टिमले प्रतिस्पर्धा गरेका थिए ।
प्रतिक्रिया