काठमाडौं । सत्तारुढ दल नेकपा (एमाले)ले सरकारले ल्याएका अध्यादेशबारे आफ्ना सांसदहरूलाई प्रशिक्षण दिएको छ ।
एमाले संसदीय दलले अध्यादेशबारे आफ्ना सांसदहरूलाई प्रशिक्षण दिएको हो।
संसदको ल्होत्से हलमा आयोजित प्रशिक्षणमा अधिवक्ताहरू केदार कोइराला र राजेन्द्र घिमिरेले सांसदहरूलाई प्रशिक्षण दिएका छन् ।
विपक्षी दलहरु र सत्तारुढ कांग्रेसकै कतिपय नेताहरुले समेत अध्यादेशको आलोचना गरिरहेको बेला एमालेले प्रशिक्षण दिएको छ । सरकारले गत साता ५ वटा अध्यादेश ल्याएको थियो। यही माघ १८ गतेदेखि सुरु हुने संसद अधिवेशनको पहिलो दिन नै ती अध्यादेशहरु संसद बैठकमा प्रस्तुत गर्नुपर्छ ।
विपक्षी दलहरुले पहिलो दिनदेखि नै सरकार विरुद्ध संसदमा सशक्त आवाज उठाउने तयारी गरिरहेका बेला एमालेले सांसदहरुलाई अध्यादेशको प्रतिरक्षा गर्न प्रशिक्षण दिएको हो ।
प्रतिक्रिया