काठमाडौं । सभामुख देवराज घिमिरेले राष्ट्रिय मान्यताप्राप्त दलका प्रमुख सचेतक सचेतकहरूसँग छलफल गरेका छन् ।
सभामुखको कार्यकक्ष सिंहदरबारमा भैरहेको छलफलमा प्रमुख पाँच दलका प्रमुख सचेतक र प्रमुख सचेतकहरु सहभागी भएकाछन्।
यही माघ १८ गतेदेखि सुरु हुने संसद्को हिउँदे अधिवेशनको सञ्चालन र तयारीबारे छलफलका लागि सचेतकहरुलाई छलफलमा बोलाएका हुन् ।
यसअघि सभामुखले सत्तापक्ष र प्रतिपक्षका सचेतकहरुसँग छुट्टाछुट्टै छलफल गरेका थिए ।
छलफलमा नेपाली कांग्रेस, नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा)का सचेतकहरु उपस्थित छन् ।
सचेतकहरुसँग आज छलफल गरेपछि सभामुखले भोलि भोलि कार्यव्यवस्था परामर्श समितिको बैठक बोलाएका छन् । कार्यव्यवस्था परामर्श समितिको बैठकले हिउँदे अधिवेशनको पहिलो बैठकको कार्यसूची तय गर्ने छ ।
प्रतिक्रिया