काठमाडौं । राष्ट्रिय स्वतन्त्र पार्टीका सभापति एवं निलम्बित सांसद रवि लामिछानेले सभामुख देवराज घिमिरेसँग भेट गरेका छन् ।
संसद अधिवेशन सुरु हुनुअघि लामिछानेले सभामुखलाई भेट्न गरेका हुन् । भेटमा लामिछानेले आफ्नो सांसद पद निलम्बन प्रतिनिधिसभा नियमावली र सर्वोच्च अदालतको नजिर विपरित भएकोले फिर्ता लिन अनुरोध गरेका छन् । स्वर्णिम वाग्ले र सन्तोष परियारसहित सभामुखलाई भेटेका लामिछानेले आफू धरौटी बुझाएर थुनामुक्त भएको भन्दै निलम्बन फुकुवा गर्न माग सहित निवेदन दिएका छन् ।
सहकारीका रकम अपचलन तथा हिनामिना मुद्दा अदालतमा दर्ता भएपछि प्रहरी हिरासतमा रहेका बेला लामिछानेलाई सभामुखले जिल्ला सरकारी वकिल कार्यालयको पत्रको आधारमा निलम्बन गरेका थिए ।
रास्वापले लामिछानेमाथि राजनीतिक प्रतिसोध साँधेर निलम्बन गरिएको रास्वपाको आरोप छ ।
सभामुखसँग भेटनु अघि लामिछानेले सिंहदरबारस्थित रास्वपा संसदीय दलको कार्यालयमा आफ्ना सांसदहरुसँग भेट गरेका थिए ।
प्रतिक्रिया