संसदमा प्रधानमन्त्रीको सम्बोधन : सत्ता-पत्ता खेलिरहने विद्रुप प्रणालीको बन्ध्याकरण भएको छ

काठमाडौं प्रधानमन्त्री केपी शर्मा ओलीले संसद्समक्ष बारम्बार विश्वासको मत लिनुपर्ने तमासाबाट आफूहरु मुक्त भएको बताएका छन् ।

सङ्घीय संसद्, प्रतिनिधिसभाको पाँचौ अधिवेशन प्रारम्भका अवसरमा बैठकलाई आज सम्बोधन गर्दै प्रधानमन्त्री ओलीले भने, “गएको ६ महिनामा हाम्रो संसदीय राजनीतिमा दोहो-याउनु नपरेको एउटा सुखद् पक्ष म यहाँ उल्लेख गर्न चाहन्छु– सत्ताको नाउमा प्वाल पारेर फुत्त अर्कै डुंगा चलाउने र मुलुक एवं जनतालाई तिरस्कार गर्दै सत्ता–पत्ता खेलिरहने विद्रुप स्थितिमा अब बन्ध्याकरण भएको छ ।’’

उनले जनता र संसद्को भरोसा र दृढताले भरिएको आत्मविश्वास लिएर आफू सदनमा उपस्थित भएको सगौरव उल्लेख गरेका छन्।

प्रधानमन्त्री ओलीले अध्यादेशको बचाउ गरेका छन् । उनले सार्वजनिक खपतका लागि अध्यादेशको विरोध नगर्न विपक्षी दलहरुलाई आग्रह गरे । उनले अध्यादेश संसद नचलेकै बेलामा ल्याउने भन्दै अध्यादेशको बचाउ गरे ।