धनगढी । कैलालीको धनगढीबाट दुई थान भरुवा बन्दुकसहित दुई जना भारतीय र एक नेपाली नागरिक पक्राउ परेका छन् । धनगढी उपमहानगरपालिका–१८ एफ गाउँबाट २ थान भरुवा बन्दुक र धारीलो हतियार (चक्कु) सहित दुई जना भारतीय र एक नेपाली नागरिक पक्राउ परेका हुन्।
जिल्ला प्रहरी कार्यालय, कैलालीले मंगलबार धनगढी उपमहानगरपालिका–१८ एफगाउँ आर्यघाटबाट भारतको लखिमपुर गुलरियाका ३२ वर्षीय रियासत अली, सोही ठाउँको ४० वर्षीय देशराज राना र धनगढी–१९ को ३९ वर्षीय गुरुप्रसाद चौधरीलाई दुई थान भरुवा बन्दुक र चक्कुसहित पक्राउ परेका जनाएको छ।
उनीहरूलाई भारतबाट नेपाल आउदै गर्दा सुदूरपश्चिम प्रदेश प्रहरी कार्यालय महेन्द्रनगर र जिल्ला प्रहरी कार्यालय, कैलालीको संयुक्त टोलीले नियन्त्रणमा लिएको हो।
उनीहरूको विषयमा थप अनुसन्धान जारी रहेको कैलाली प्रहरीले जनाएको छ।
प्रतिक्रिया