उपेन्द्र यादवको चेतावनी – सांसद खरिद बिक्रि गरेर भूमि अध्यादेश पारित गर्ने नसोचे हुन्छ

काठमाडौं । जसपा नेपालका अध्यक्ष उपेन्द्र यादवले सांसद खरिदबिक्रि गरेर अध्यादेश पारित गर्न लागे आन्दोलन गर्ने चेतावनी दिएका छ्न ।

शुक्रबार काठमाडौंमा जसपा नेपालद्वारा भूमिसम्बन्धी अध्यादेशबारे आयोजित अन्तक्र्रियामा अध्यक्ष यादवले भूमिसम्बन्धी अध्यादेश फिर्ता लिन सरकारसँग माग गरे । उनले सांसदहरुको खरिदबिक्रि गरेर अध्यादेश पारित गर्नेतिर नलाग्न सरकारलाई चेतावनी दिए ।

‘हामीले सरकारलाई स्पष्ट भनेका छौं यो भूमिसम्बन्धी अध्यादेश फिर्ता लिओस्’, उनले भने, ‘हैन दाउपेज, जालझेल, सांसद खरिद बिक्री गरेर पास गराउँछ भने हामी जनताकोमा जान्छौं, र जनआन्दोलनको बाटो पक्रन्छौं, यो स्पष्ट भए हुन्छ ।’ उनले यो अध्यादेश वास्तविक भूमिहिनहरुको समस्या समाधान गर्नुभन्दा पनि भूमाफियाहरुलाई पोस्न ल्याएएको दाबी गरे ।