नेपालगन्ज । बाँके प्रहरीले ठुलो परिमाणमा नेपालमा प्रतिबन्धित लागु औषध ट्रामाडोल सहित ३ जनालाई पक्राउ गरेको छ । इलाका प्रहरी कार्यालय जयसपुरको टोलीले भारतबाट नेपाल भित्राईँदै गरेको नेपालमा प्रतिबन्धित लागु औषध ट्रामाडोल ५०० पत्ता (५००० ट्याब्लेट) सहित ३ जनालाई पक्राउ गरेको हो ।
पक्राउ पर्नेमा नेपालगन्ज उपमहानगर १६ मा बस्ने २४ वर्षिय नफिस अहमद कबडिया, भारत कलकत्ता घर भई हाल जिल्ला बाँके नेपालगंज १० ट्राफिक चोक बस्ने ३८ वर्षिय जियाउल शेष र नेपालगन्ज १० का स्थानीय १८ वर्षिय सद्दाम सैवाद रहेका छन् । कबडियाले चलाएको भारतीय नम्बर प्लेटको मोटरसाइकलमा ३ जना चढेर नेपाल आउँदै गरेका शेष र सद्दाममाथि शंकाका आधारमा चेकजाँच गर्दा प्रतिबन्धित लागु औषध फेला परेको प्हरीले जनाएको छ ।
पक्राउ परेका तीनैजनमाथि प्रतिबन्धित लागु औषध ओसार पसार कसुरमा अनुसन्धान एवं कारवाही प्रक्रिया अगाडी बढाईएको बाँकेका प्रहरी प्रवक्ता डिएसपी दीपक पातलीलले बताए ।
प्रतिक्रिया