नेपालगन्ज । बाँके प्रहरीले अपराधिक लाभ लिन नहुने कसुरमा नेपालगन्जका उदयसिंह श्रेष्ठलाई पक्राउ गरेको छ । जाहेरी दरखास्त प्राप्त भई आवश्यक कानूनी प्रक्रिया पश्चात अनुसन्धानको लागि नेपालगन्ज १० का श्रेष्ठलाई पक्राउ गरिएको जिल्ला प्रहरी कार्यालय बाँकेले जनाएको छ ।
ब्यवसायीबाट डर देखाई रकम माग गरेको जोहरीका आधारमा अदालतबाट पक्राउ पुर्जि लिएर श्रेष्ठलाई पक्राउ गरिएको बाँके प्रहरी प्रवक्ता डीएसपी दीपक पतालीलले बताए । उनले जाहेरी दिने ब्यवसायीको परीचय दिन भने अस्वीकार गरे ।
ब्यवसायीक कार्य भन्दा बाहिर गएर अपराधिक लाभ लिने गरेको उजुरी परेपछि प्रहरीले जिल्ला अदालत बाँकेबाट पक्राउ अनुमति लिएको उनले बताए । श्रेष्ठमाथि अपराधिक लाभ लिएको कसुरमा थप अनुसन्धान प्रक्रिया अगाडी बढाईएको प्रहरीले जनाएको छ। श्रेष्ठले ध्वनी खबर नामको मिडिया सञ्चालन गर्दै आएका छन् ।
प्रतिक्रिया