काठमाडौं । नेपालस्थित पाकिस्तानी राजदूतावासले कृतज्ञता दिवस (यौम-ए-तशक्कुर) मनाएको छ ।
दिवसको अवसरमा पाकिस्तानका राजदूत अबरार एच हाश्मीले एक सम्मानजनक समारोहबीच राष्ट्रिय झन्डा फहराएका छन् ।
उनीहरूले पाकिस्तानका सशस्त्र सेनाले प्रस्तुत गरेको दृढता, सहास र प्रतिद्धताको सम्मानस्वरुप सहिदहरुप्रति सम्मान अर्पण गरे । यसैगरी घाइतेहरुको शीघ्र स्वास्थ्यलाभका लागि कामना गर्दै पाकिस्तानमा शान्ति, समृद्धि र प्रगतिका लागि पनि विशेष प्रार्थना गरे ।
त्यसअवसरमा राजदूत हाश्मीले हालैको भारतीय आक्रमण विरुद्ध पाकिस्तानका जनताको अटल विश्वास, एकता र दृढ संकल्पका लागि सशस्त्र सेनाहरूको साहसिक भूमिकालाई सम्मानपूर्वक स्मरण गरेको बताए । विज्ञप्तिमा जनाइएअनुसार उनले भविष्यमा कुनै पनि प्रकारको आक्रमणको सामना गर्न र सार्वभौमसत्ताको रक्षा गर्ने संकल्प गरे । राजदूत हाश्मीले नेपाल लगायत पाकिस्तानका मित्रराष्ट्रहरूको समर्थन र क्षेत्रीय शान्ति तथा स्थायित्वमा अन्तर्राष्ट्रिय समुदायले खेलेको भूमिकाप्रति आभार प्रकट गरे ।
कार्यक्रममा राजदूतावासका अधिकारीहरू, नेपालमा बसोबार गर्ने पाकिस्तानी समुदाय, तिनका परिवारका सदस्यहरू तथा शुभचिन्तकहरुको उपस्थिति रहेको दूतावासले विज्ञप्तिमार्फत जनाएको छ ।
प्रतिक्रिया