काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ तातोपानी कुण्डमा स्नान गरेका छन् ।
पार्टीको पोखरा अधिवेसनमा सहभागी हुन हिजो त्यहाँ पुगेका प्रचण्ड साँझ म्याग्दीको अन्नपूर्णा गाँउपालिका–२ भुरूङ तातोपानी पुगेका थिए ।
आज बिहान भने उनले तातोपानी कुण्डमा स्नान गरेको उनको सचिवालयले जनाएको छ।
अध्यक्ष प्रचण्ड आजै म्याग्दीको अन्नपूर्ण गाउँपालिका–३ दानास्थित श्री ज्ञान प्रकाश नमुना माध्यमिक विद्यालय अवलोकन गरेका छन् । उनले त्यहाँका शिक्षक तथा अभिभावकलाई संक्षिप्त सम्बोधन समेत गरे । यो विद्यालय अन्नपूर्ण गाउँपालिकाको पहिलो नमुना विद्यालय हो ।
अध्यक्ष प्रचण्डले मुस्ताङ र चीनको सिमाना कोराला नाकासंग कालिगण्डकी करिडोरको अवस्था र यस क्षेत्रको सम्भावना बारे जानकारी लिन स्थलमार्ग हुँदै आएको जानकारी दिए ।
प्रचण्ड आजै हिमालपारीको जिल्ला मुस्ताङ प्रवेश गरेका छन् । यहाँ पार्टी अध्यक्ष प्रचण्डलाई माओवादीका जिल्ला अध्यक्ष, स्थानीय नेताकार्यकर्ता, प्रमुख जिल्ला अधिकारी ल्गायतले स्वागत गरेका थिए । त्यस अवसरमा उनले लेते छ्या जोड्ने पुलको अनुगमन पनि गरे ।
प्रतिक्रिया