काठमाडौं। राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्र तीन लाख रुपैयाँ धरौटी बुझाएर रिहा भएका छन् ।
काठमाडौं जिल्ला अदालतका न्यायाधीश तारादेवी महर्जनको एकल इजलासले मिश्रलाई धरौटीमा रिहा गर्न आदेश दिएकी थिइन । त्यसपछि मिश्रले सो रकम जम्मा गरेर रिहा भएका हुन् ।
रिहा भएपछि मिश्रले राज्यले अन्याय गरेपछि अदालतले न्याय दिएको प्रतिक्रिया दिए उनले राज्यले दोषी करार गर्न विभिन्न आरोप लगाउनु दुःखद रहेको पनि बताए ।
राप्रपा वरिष्ठ उपाध्यक्ष मिश्र आज जिल्ला अदालतमा उपस्थित भए पछि सुरू भएको थुनछेक बहस भएको थियो ।
सर्वोच्च अदालतको बन्दी प्रत्यक्षीकरण मुद्दावाट रिहाइ भए पछि सम्पर्कबिहिन भएका भनिएका मिश्र आज काठमाडौं जिल्ला अदालतमा हाजिर भएका थिए ।
यसअघि राप्रपा महामन्त्री धवल शमशेर राणा पनि अदालतको सम्पर्कमा नआए पछि खोजी सुरू भए पछि हिजो अदालतमा उपस्थित भएका थिए । उनी पनि हिजो नै ३ लाख धरौटीमा रिहा भइसकेका छन् ।
गत चैत १५ गते तीनकुने, काठमाडौंमा भएको राजावादी आन्दोलनको क्रममा उपद्रव मच्चाएको आरोपमा मिश्र र राणालाई सोही राती पक्राउ गरिएको थियो ।
प्रतिक्रिया