नयाँ पुस्तालाई क्रान्तिको इतिहास बुझाउनुपर्छ : सुदर्शन बराल

बुटवल । नेकपा (माओवादी केन्द्र) लुम्बिनी प्रदेश अध्यक्ष सुदर्शन बरालले नयाँ पुस्तालाई क्रान्तिको इतिहास बुझाउनुपर्ने बताएका छन । आइतबार शहीद रमेश यादवको २० औँ स्मृति सभा तथा राष्ट्रिय धान दिवस कार्यक्रम बोल्दै नेता बरालले शहिद र अग्रजको सम्मान नहुने देश कहिल्यै अघि नवढ्ने भएकाले युवा पुरस्तालाई क्रान्तिको इतिहास बुझाउनु पर्ने बताए । दश बर्षे जनयुद्धको बलमा प्राप्त उपलब्धि सामान्य नभएको उल्लेख गर्दै उनले योद्धाहरुले गरेको त्याग तपस्या र बलिदानीको उच्च मुल्याङ्क गर्नु पर्नेमा जोड दिए ।

नेता बरालले राज्य सञ्चालकहरु शहिदले देखाएको मार्गमा हिड्न नसक्दा समाजमा असन्तुष्टिका स्वरहरु सुनिन थालेको बताए ।“ शहीद रमेश यादवले देखेको सपना समाजमा न्याय, समानता र समावेशीताको स्थापनासँग जोडिएको थियो त्यो सपना अझै पू र्ण रूपमा साकार हुन बाँकी छ ” उनले भने ।

नेकपा माओवादी केन्द्र रुपन्देही इन्जार्च तथा शहिद रमेश यादवको धर्मपत्नी सोनिया यादवले आफुले श्रीमानले देखाएको पदचाप पछ्याइरहेको बताइन् । उनले शहिद यादवले क्रान्तिलाई धोका दिन नमान्दा ज्यान गुमाउनु परेको स्मरण गरिन् । “उहाँले आफ्ना साथिहरुको बारेमा सेनालाई बताइदिएको भए बाँच्नु हुन्थ्यो तर उहाँले बचाउनु भयो क्रान्तिलाई धोका दिनु भन्दा सेनाको गोली खान तयार हुनु भयो” उनले भनिन् ।

माओवादी केन्द्र रुपन्देही संयोजक नारायण जिसि निर्मलले जयुद्धका क्रममा होनाहार नेताहरु गुमाउनु परेको स्मरण गरे । शहिद भएका नेताहरुको अभाव अहिले खट्कीरहने बताउँदै उनले शहिदको सपना पुरा गर्न सबै एकजुट भएर लाग्नु पर्नेमा जोड दिए । उनले पार्टी सधैँ शहिद परिवारको साथमा रहेको बताए ।