काठमाडौं। नेपालको भौतिक पूर्वाधार तथा पर्यटन क्षेत्रमा लगानी विस्तार गर्न उपप्रधानमन्त्री तथा अर्थमन्त्री विष्णुप्रसाद पौडेलले मलेसियन लगानीकर्तालाई आग्रह गरेका छन्।
नेपाल भ्रमणमा रहेको मलेसिया–नेपाल व्यापार परिषद्को प्रतिनिधिमण्डलसँगको भेटमा अर्थमन्त्री पौडेलले पूर्वाधार विकास र पर्यटन क्षेत्र नेपालका सम्भावनायुक्त क्षेत्रहरू भएको उल्लेख गर्दै थप लगानीको लागि आग्रह गरेका हुन्।
ूनेपालमा निजी क्षेत्रका लागि लगानीमैत्री वातावरण छ। नीति तथा कानुनी संरचना लगानीकर्ताका पक्षमा छन्। सम्भाव्य क्षेत्र पहिचान गरी योजनाबद्ध ढंगले अगाडि बढ्नुस्, सरकार आवश्यक सहयोग र सहजीकरण गर्न तत्पर छ,ू उनले भने।
भेटमा प्रतिनिधिमण्डलका सदस्यहरूले सूचना प्रविधि, व्यापार, जलविद्युत्, पूर्वाधार, वातावरण र पर्यटनलगायतका क्षेत्रमा लगानी गर्न इच्छुक रहेको जनाएका थिए।
प्रतिनिधिमण्डलमा मलेसिया–नेपाल व्यापार परिषद्का अध्यक्ष प्रदीपकुमार कुकरेजा, डा. चाइ कि खान, गणेशकुमार वनगाह, एम।के। संग्राहलगायतको सहभागिता रहेको थियो।
प्रतिक्रिया