खजुरा । बाँकेको खजुरा गाँउपालिकाले आव ०८१/८२ मा आम्दानीका आधारमा ९५ प्रतिशत रकम खर्च गर्न सफल भएको छ । पालिकाले घाटा बजेटकै बीच आम्दानीका आधारमा ९५ प्रतिशत बजेट खर्च गर्न सफल भएको हो ।
पालिकाले सार्वजनिक गरेको तथ्यांक अनुसार आव ०८१/८२ का लागि ७८ करोड ९२ हजार ७५५ बजेट बिनियोजन गरिएकोमा चालु तर्फ ५२ करोड ५ लाख ८३ हजार ३५० र पुँजीगत तर्फ १७ करोड ९५ लाख २६ हजार १३१ रुपैयाँ सहित ७० करोड १ लाख ९ हजार ४८१ खर्च गरेर बिनियोजन तर्फ ८९.७४ प्रतिशत खर्च प्रगति गर्न सकेको गाँउपालिकाले जनाएको छ ।
आम्दानी तर्फ पालिकाले ७२ करोड ९३ लाख २६ हजार ३३१ रहेकोमा आम्दानीको अनुपातमा ९५.९९ प्रतिशत खर्च गर्न सकेको गाँपालिकाका प्रमुख प्रशासकिय अधिकृत बसबहादुर रानाले बताए । उनले बेरुजु घट्दै गएको र लक्ष्य अनुसारको खर्च प्रगति बढ्दै गएको जनाउँदै लक्ष्य नजिक पुग्न सहयोग गर्ने सबैलाई धन्यवाद प्रकट गरेका छन् ।
कार्य प्रगतिमा आफुलाई प्रत्यक्ष अप्रत्यक्ष सहयोग पुर्याउने पालिका अध्यक्ष, उपाध्यक्ष,, वडा अध्यक्षहरु, वडा सदस्य, गाउँपालिका कार्यालयका प्रबबिधिक कर्मचारी, शाखा प्रमुखहरुलगायत सबैलाई सक्रिय योगदानको कार्यप्रगति प्रति उनले धन्यवाद ब्यक्त गरे । आगामी बर्षहरु मा पनि खजुरा गाउँपालिकाको बेरुजु कम र कार्य प्रगति बढाउने कार्यमा सबै जिम्मेवार ब्यक्तित्वबाट आफुले अपेक्षा राखेको उनले बताए ।
प्रतिक्रिया