काठमाडौं। नेपाली बजारमा आज (मंगलबार) सुनको मूल्य घटेको छ भने चाँदीको मूल्यमा सामान्य वृद्धि देखिएको छ।
नेपाल सुनचाँदी व्यवसायी महासङ्घका अनुसार, आज छापावाल सुन तोलामा ६ सय रुपैयाँले घटेर एक लाख ९३ हजारमा कारोबार भइरहेको छ। अघिल्लो दिन (सोमबार) सुनको मूल्य तोलामा एक लाख ९३ हजार छ सय रुपैयाँ रहेको थियो।
यता, चाँदीको मूल्यमा भने पाँच रुपैयाँको वृद्धि भएको छ। सोमबार प्रति तोला दुई हजार २९५ मा कारोबार भएको चाँदी आज २३ सय मा पुगेको छ।
यसैगरी, १० ग्राम सुनको मूल्य आज एक लाख ६५ हजार ४६५ कायम भएको छ भने १० ग्राम चाँदीको मूल्य १९ सय ७२ रुपैयाँ रहेको छ।
सुनचाँदीका मूल्यहरू अन्तर्राष्ट्रिय बजार, विनिमय दर र माग–आपूर्तिको आधारमा दैनिक रूपमा घटबढ हुने गर्छन्।
प्रतिक्रिया