काठमाडौं । कैलाली कारागारमा भएको हिंसात्मक झडपका विषयमा छलफल गर्न गृहमन्त्री रमेश लेखकले सुरक्षा निकायका प्रमुखहरूको बैठक बोलाएका छन् ।
गृहमन्त्रीले शनिबार सुरक्षा निकायका शीर्ष अधिकारीहरूलाई मन्त्रालयमा बोलाएर घटनाको अवस्थाबारे समीक्षा गर्ने तयारी गरेका हुन्।
शुक्रबार राति कारागारको ब्लक ‘ए’ र ब्लक ‘बी’मा रहेका कैदीबन्दीबीच भएको झडपमा धनगढी–४ का भरत चौधरीको मृत्यु भएको थियो । घटनामा ४७ जना घाइते भएका छन्। घाइतेहरूको विभिन्न स्वास्थ्य संस्थामा उपचार भइरहेको छ।
झडपपछि कैदीबन्दीहरूले कारागारको नियन्त्रण आफ्नै हातमा लिएका छन्।
कैदीबन्दीहरूले भित्रबाटै कारागारमा ताला लगाई सुरक्षाकर्मीलाई प्रवेश गर्न नदिएको कारागार प्रशासनले जनाएको छ ।
प्रतिक्रिया