काठमाडौं । नेपाल कम्युनिष्ट पार्टी (माओवादी केन्द्र) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’सँग भारतका विदेशसचिव विक्रम मिश्रीले भेटवार्ता गरेका छन् ।
नेपालको दुईदिने औपचारिक भ्रमणका क्रममा शुक्रबार बिहान काठमाडौं आइपुगेका सचिव मिश्रीले प्रचण्ड निवास खुमलटार पुगेर सभामुखसँग शिष्टाचार भेट गरेका हुन् ।
भेटवार्तामा नेपाल–भारतबीचको परस्पर हितका विषयहरू, आपसी सम्बन्धलाई अझ मजबुत पार्ने उपायहरू र क्षेत्रीय तथा अन्तर्राष्ट्रिय परिप्रेक्ष्यमा दुवै मुलुकबीच सहकार्यलाई अघि बढाउने सम्भावनाबारे छलफल भएको प्रचण्डको सचिवालयले जनाएको छ ।
यसअघि सचिव मिश्रीले नेपाल भ्रमणका क्रममा प्रधानमन्त्री र राष्ट्रपतिसँग भेटवार्ता गरेका छन् । भारतीय प्रधानमन्त्रीको निम्तो बोकेर मिश्री नेपाल भ्रमणमा आएका हुन् । उनले सो निम्तो प्रधानमन्त्री केपी ओलीलाई बुझाएका छन् । प्रधानमन्त्री ओली भदौको अन्तिम साता भारत भ्रमणमा जाँदैछन् ।
प्रतिक्रिया