काठमाडौं । आर्थिक वर्ष २०८१/८२ मा नेपालमा आएको रेमिट्यान्स आप्रवाह उल्लेखनीय वृद्धि भएको छ ।
नेपाल राष्ट्र बैंकका अनुसार गत वर्ष विप्रेषण १९.२ प्रतिशतले बढ्दै १७ खर्ब २३ अर्ब २७ करोड रुपैयाँ पुगेको हो ।
समीक्षा अवधिमा अमेरिकी डलरमा रेमिट्यान्स आप्रवाह १६.३ प्रतिशतले बढेर १२ अर्ब ६४ करोड पुगेको छ । अघिल्लो वर्ष यो वृद्धि दर १४.५ प्रतिशत थियो ।
वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या पाँच लाख पाँच हजार ९५७ पुगेको छ । त्यस्तै, पुनः श्रम स्वीकृति लिनेको संख्या तीन लाख ३३ हजार ३०९ रहेको छ ।
अघिल्लो वर्ष सो संख्या क्रमशः चार लाख ६० हजार १०२ र दुई लाख ८१ हजार १९५ थियो ।
प्रतिक्रिया