अमेरिकाले २७ अगस्ट अर्थात भोलि बुधबारदेखि भारतीय आयातमा थप २५ प्रतिशत शुल्क लगाउने भएको छ।
राष्ट्रपति डोनाल्ड ट्रम्पको नयाँ कार्यकारी आदेश अन्तर्गत यो कदम चालिएको हो।
अमेरिकाको भनाइमा भारतले रूसबाट लगातार तेल खरिद गर्दै आएको विषय राष्ट्रिय सुरक्षाका लागि चिन्ताको विषय भएको तर्क गर्दै ट्रम्पले सो तेल खरिद नरोके भारतविरुद्ध अतिरिक्त कर लगाउने चेतावनी दिएका थिए ।
अमेरिकी गृहमन्त्रालयले कस्टम्स एन्ड बोर्डर प्रोटेक्शनमार्फत सार्वजनिक सूचना जारी गर्दै यस नयाँ शुल्कबारे जानकारी दिएको छ।
ट्रम्पको यस कदमको उद्देश्य अझै पनि रूससँग व्यापारिक सम्बन्ध कायम राखिरहेका मुलुकहरूलाई दबाबमा पार्नु हो।
यसै अगस्ट महिनामै ट्रम्पले भारतीय आयातमा लगाइने कुल शुल्क दर दोब्बर बढाएर ५० प्रतिशत पुर्याएका थिए ।
त्यसको तुरुन्तै प्रतिक्रिया स्वरूप भारतको विदेश मन्त्रालयले उक्त कदमलाई “अनुचित, निराधार र अव्यावहारिक” भनेको थियो।
अमेरिकाले आफ्नो स्वार्थअनुकुल नचल्ने मुलुकहरुमाथि कर थोपर्दै आएको छ ।
प्रतिक्रिया