काठमाडौं । जेनजी आन्दोलनकारीहरुको तर्फबाट सिफारिस गरिएकी ७३ वर्षीया सुशीला कार्की अन्तरिम सरकारको प्रधानमन्त्री नियुक्त भएकी छिन् ।
राष्ट्रपति रामचन्द्र पौडेल र र जेनजी प्रतिनिधिहरुसहित कार्कीबीच भएको छलफल पछि उनलाई अन्तरिम प्रधानमन्त्रीमा नियुक्त गर्ने सहमति भएको हो । कार्कीको सपथ आजैराति ९ बजे हुने बताइएको छ ।
शपथग्रहणका लागि अहिले नियुक्तिपत्रको मस्यौदा र पहिलो मन्त्रिपरिषद्ले गर्ने निर्णयको मस्यौदाको गृहकार्य भइरहेको छ । कार्कीले सिंहदरबारस्थित गृहमन्त्रालयको नयाँ भवनमा अस्थायी रुपमा स्थापना गरिएको प्रधानमन्त्री तथा मन्त्रिपरिषद्को कार्यालयमा पुगेर आजै राति कार्यभार सम्हाल्नेछिन् । त्यसअघि पहिलो मन्त्रिपरिषद्को बैठक भने शितलनिवासमै हुनेछ । सो बैठकले प्रतिनिधिसभा विघटनको सिफारिस गर्नेछ ।
कार्कीको मन्त्रिमण्डलमा अरु को को व्यक्ति समेटिन्छन् भन्ने कुरा अझै खुलिसकेको छैन । शपथग्रहण समारोहमा सहभागी हुन विशिष्ठ श्रेणिका कर्मचारीहरु र सुरक्षा प्रमुखहरुलाई शितलनिवास बोलाइएको छ ।
प्रतिक्रिया