काठमाडौं । राष्ट्रिय प्रजातन्त्र पार्टी (राप्रपा) ले ज्ञानेन्द्र शाही लाई संसदीय दलको नेता चयन गर्ने निर्णय गरेको छ । संसदमा पाँच सिट जितेको राप्रपाबाट शाही यसपटक प्रत्यक्ष निर्वाचनमार्फत विजयी भएका एक्ला उम्मेदवार हुन् ।
यस निर्वाचनमा राप्रपाको प्रदर्शन अघिल्लो निर्वाचनको तुलनामा कमजोर देखिएको छ । २०७९ सालको निर्वाचनमा पार्टीले प्रत्यक्षतर्फ ७ र समानुपातिकतर्फ ७ गरी कुल १४ सिट जितेको थियो । तर यसपटक भने प्रत्यक्षतर्फ १ र समानुपातिकतर्फ ४ गरी जम्मा ५ सिटमा सीमित भएको छ ।
अघिल्लो संसदमा पाँचौँ ठूलो दलको हैसियतमा रहेको राप्रपा यसपटक छैटौँ स्थानमा झरेको छ । लामो राजनीतिक इतिहास बोकेको राप्रपालाई यसपटक श्रम संस्कृति पार्टी ले पछाडि पार्न सफल भएको देखिएको छ ।
यद्यपि, शाहीको प्रत्यक्ष जितले राप्रपाको राष्ट्रिय पार्टीको मान्यता कायम राख्न महत्वपूर्ण भूमिका खेलेको छ । संविधानअनुसार राष्ट्रिय पार्टीको मान्यता पाउन कम्तीमा एक प्रत्यक्ष सिट जित्नुपर्ने व्यवस्था रहेको छ ।
प्रतिक्रिया