नेपालगन्ज । बाँकेको कोहलपुरबाट स्रोत नखुलेको ७ लाख ६६ हजार रुपैयाँसहित तीन जनालाई प्रहरीले पक्राउ गरेको छ । कोहलपुर नगरपालिका–२ बाट प्रहरीले कोहलपुर नगरपालिका–५ बस्ने १९ वर्षीय प्रयास लम्साल, २० वर्षीय युवल बलायर र नेपालगन्ज उपमहानगरपालिका–१८ कारकाँदो बस्ने २६ वर्षीय ऋषिकेश मिश्रालाई स्रोत नखुलेको रकमसहित पक्राउ गरेको हो ।
इलाका प्रहरी कार्यालय कोहलपुरबाट खटिएको प्रहरी टोलीले बा ८७ प ९०२० नम्बरको स्कुटरमा सवार उनीहरूलाई रोकेर चेकजाँच गर्नेक्रममा सो रकम फेला परेको प्रहरीले जनाएको छ । प्रहरीले बरामद रकमको स्रोत सम्बन्धमा अनुसन्धान भइरहेको जानकारी दिएको छ ।
भाद्र २३ र २४ गते भएको जेन जीको आन्दोलनका क्रममा कोहलपुर र नेपालगन्ज्का राजश्व, मालपोत तथा अदालतहरूबाट नगद र सुन लुटिएको र बरामद रकम सोही घटनासँग सम्बन्धित भए नभएको सम्बन्धमा पनि अनुसनधान हुने एक प्रहरी अधिकारीले बताए । बाँके प्रहरी प्रशासनले लुटिएका सामान फिर्ता गर्न आग्रह गर्दै फिर्ता नगरे कानूनी कारबाही गर्ने चेतावनी समेत दिएको छ ।
यसअघि कोहलपुरस्थित राजश्व कार्यालयबाट लुटिएको बाकस खोलेर पैसा बाँड्दै गरेको भिडियो समेत सार्वजनिक भएको छ ।
प्रतिक्रिया