काठमाडौँ । संघीय सरकार अन्तर्गतका सचिवहरुको बैठकले निजामती सेवा अन्तर्गत सङ्घीय तहमा रहेको दरबन्दी २० प्रतिशतले घटाउने सैद्धान्तिक सहमति गरेको छ । मंगलबार मुख्यसचिव एकनारायण अर्यालको संयोजकत्वमा बसेको सचिवहरूको बैठकले यसबारे सैद्धान्तिक सहमति गरेको हो ।
हाल सङ्घमा ५१ हजारभन्दा बढी कर्मचारी रहेकोमा २० प्रतिशतले दरबन्दी कटौती हुँदा यो सङ्ख्या करिब १० हजारले घट्ने बताइएको छ ।
आज भएको सैद्धान्तिक सहमति बमोजिम आवश्यक प्रस्ताव असोज २० गते भित्र तयार गर्ने निर्णय गरिएको बैठकमा सहभागी एक सचिवले बताए ।
प्रस्ताव तयार भएपछि अन्तिम निर्णय भने मन्त्रिपरिषद्ले स्वीकृत गर्नुपर्ने छ । मन्त्रिपरिषद बैठकबाट निर्णय भएसँगै दरबन्दी घटाउने निर्णय कार्यान्वयनमा आउने छ ।
प्रतिक्रिया