काठमाडौं । नेपाल प्रहरीले ४८ जना वरिष्ठ प्रहरी अधिकृत (एसपी)को व्यापक सरुवा गरेको छ । गृहमन्त्री ओमप्रकाश अर्यालले पदभार ग्रहण गरेलगत्तै सुरु गरिएको यो प्रक्रिया अन्तर्गत सरुवा सूची सार्वजनिक भएको हो ।
मंगलबार गरिएको सरुवा सूची बुधबार मात्रै सार्वजनिक गरिएको छ । प्रहरी प्रधान कार्यालयका अनुसार सरुवा भएका एसपीहरूको जिम्मेवारी तोकिएको स्थानमा तत्काल लागू हुनेगरी पठाइएको छ ।
सूचीअनुसार कपिलवस्तुमा सन्तोष आचार्य, दाङमा दिपक श्रेष्ठ, पाल्पामा दिपेन्द्र पञ्जियार थारु खटिएका छन् । त्यस्तै, पर्सामा सुदिपराज पाठक, बाँकेमा अंगुर जिसी, कास्कीमा नवीन कार्की, मोरङमा कवित कटवाल, सुनसरीमा केशव थेवे पठाइएका छन् ।
भक्तपुरमा सूर्यबहादुर खड्का, पूर्वी नवलपरासीमा युवराज खड्का र मकवानपुरमा सुवासचन्द्र बोहरालाई जिम्मेवारी तोकिएको छ ।
प्रहरी स्रोतका अनुसार अन्य जिल्लाहरूमा समेत सरुवा भएका एसपीहरूले क्रमशः पदस्थापन स्थलमा गएर काम सुरु गरिसकेका छन् ।
प्रतिक्रिया