ओमानविरुद्ध नेपालको पहिला ब्याटिङ गर्दै

काठमाडौं । आईसीसी टी-२० विश्वकप एसिया-इस्ट एसिया प्यासिफिक छनोटको सुपर सिक्स अन्तर्गतको खेलमा नेपालले ओमानविरुद्ध पहिला ब्याटिङ गर्ने भएको छ । ओमानमा जारी प्रतियोगितामा नेपालका कप्तान रोहित पौडेलले टस जित्दै पहिला ब्याटिङ गर्ने निर्णय लिएका हुन् ।

नेपाल र ओमान दुवैले यसअघि नै टी-२० विश्वकपमा स्थान सुनिश्चित गरिसकेका छन् । आजको खेल भने छनोट प्रतियोगिताको उपाधि (ट्रफी) निर्धारणका लागि निर्णायक मानिएको छ । समूह चरण र सुपर सिक्समा अपराजित रहेका दुवै टोलीबीचको यो भिडन्त प्रतिस्पर्धात्मक हुने अपेक्षा गरिएको छ ।

नेपालले यसअघि उत्कृष्ट प्रदर्शन गर्दै लगातार दोस्रो पटक टी-२० विश्वकपमा स्थान बनाएको हो ।