काठमाडौं । ओमानमा जारी आईसीसी टी–२० विश्वकप एसिया-इएपी छनोटमा उत्कृष्ट प्रदर्शन गर्दै ऐतिहासिक सफलता हासिल गर्ने नेपाली राष्ट्रिय क्रिकेट टोलीलाई काओवादी केन्द्रका संयोजक पुष्पकमल दाहाल प्रचण्डले बधाई व्यक्त गरेका छन् । सामाजिक सञ्जाल मार्फत संयोजक प्रचण्डले लगातार दोस्रो पटक टी–२० विश्वकपका लागि छनोट हुन सफल नेपाली राष्ट्रिय क्रिकेट टोली, प्रशिक्षक मण्डल, नेपाल क्रिकेट संघ (क्यान) लगायत सम्पूर्ण खेल परिवारप्रति हार्दिक बधाई व्यक्त गरेका हुन् ।
उनले देशमा राजनीतिक जटिलता र असहज वातावरण रहेको समयमा धैर्य, संयमता र अनुशासनका साथ देखाइएको असाधारण प्रदर्शन साँच्चै प्रशंसनीय उपलब्धि भएको उल्लेख गरेका छन् ।
‘नेपालमा क्रिकेट खेलको विकास, स्टेडियम निर्माण लगायत भौतिक पूर्वाधारहरूको विकास, खेलाडीहरूलाई प्रोत्साहन लगायतका क्षेत्रमा मैले सरकारको नेतृत्वमा रहँदा आरम्भ गरिएका पहलकदमीहरूलाई अझ सशक्त र सघन रूपमा अगाडि बढाउन पनि अनुरोध गर्दछु।’ उनले भनेका छन् ।
सम्पूर्ण नेपाली टोलीप्रति हार्दिक बधाई ज्ञापन गर्दै प्रचण्डले आगामी विश्वकपमा सफलताका लागि शुभकामना व्यक्त गरेका छन् ।
प्रतिक्रिया