काठमाडौं । नेपाली कांग्रेस केन्द्रीय कार्यसमितिको बैठक आज बस्दै छ ।
पार्टी केन्द्रीय कार्यालय सानेपामा दिउँसो १ बजेदेखि बैठक बस्नेछ ।
२८ गते मंगलबार सुरु भएको बैठकमा पार्टी सभापति शेरबहादुर देउवाले सम्बोधन गर्दै कार्यबहाक सभापतिको जिम्मेवारी उपसभापति पूर्णबहादुर खड्कालाई तोकेका थिए । त्यसपछि बैठक स्थगित गरिएको थियो ।
जेनजी आन्दोलनपछिको परिस्थितिमा सुरु भएको बैठकबाट कांग्रेसले पार्टीको नियमित महाधिवेशन या विशेष महाधिवेशनबाट नेतृत्व परिवर्तन, फागुन २१ गते तोकिएको निर्वाचनमा जाने या संसद पुनस्र्थापना गर्ने लगायतका विषयमा छलफल गर्नेछन् ।
महामन्त्रीद्वय गगन थापा र विश्वप्रकाश शर्मा समुहले विशेष महाधिवेशनको माग गर्दै प्रस्ताव दर्ता गराइसकेको छ । सो प्रस्तावमा बहुसंख्यक महाधिवेशन प्रतिनिधिले हस्ताक्षर गरेका छन् ।
प्रतिक्रिया