मनाङ । मनाङको तिलिचो तालको बेसक्याम्पमा हिमपातपछि अलपत्र परेका ११ जना आन्तरिक पर्यटकको उद्दार गरिएको छ ।
ङिस्याङ गाउँपालिका–९ स्थित तिलिचो बेसक्याम्पमा अलपत्र परेकाहरुलाई सशस्त्र प्रहरी बलले बिहान ६ बजे उद्दार गरेको हो । उद्धार गरिएकाहरुलाई सदरमुकाम चामेमा ल्याइएको छ ।
यसअघि हिमपातका कारण दुई चिनियाँ र १३ नेपालीसहित १५ जना पर्यटक बेसक्याम्पमा फसेको सूचना प्राप्त भएको थियो। तर उद्धार टोलीले दुई चिनियाँ र ११ नेपाली गरी १३ जना मात्रै फेला पारेको छ ।
उद्धार कार्यका लागि सशस्त्र प्रहरी बल नेपाल पर्वतीय उद्धार तालिम शिक्षालय, मनाङबाट उपरीक्षक टोपबहादुर डाँगीको नेतृत्वमा विपद् व्यवस्थापन तालिम प्राप्त फौज र चिकित्सकसहितको टोली शुक्रबार नै त्यसतर्फ पठाइएको थियो।
प्रतिक्रिया