बुटवल । नेकपा एमालेको भ्रातृ संगठन युवा संघ नेपाल, रुपन्देहीले समाजमा हिंसा भड्काउने अभिव्यक्ति दिँदै हिँडेको भन्दै डा. कमल भूसाल (निकोलस) लाई तत्काल पक्राउ गरी कानूनी कारबाही गर्न माग गरेको छ ।
संघले एमाले अध्यक्ष केपी शर्मा ओलीलगायत विभिन्न नेताहरूको घर जलाउने र घेरा हाल्ने जस्ता हिंसात्मक अभिव्यक्ति सार्वजनिक रूपमा दिँदै आएका भूसालका क्रियाकलापले समाजमा अस्थिरता ल्याउने प्रयास भइरहेको आरोप लगाएको छ ।
आइतबार बसेको संघको बैठकले भूसाललाई तत्काल पक्राउ गरी आत्मालोचनासहित कडा कारबाही नगरेसम्म रुपन्देही प्रवेशमा रोक लगाउने निर्णय गरेको अध्यक्ष कृष्ण कुमालले जानकारी दिए ।
उनका अनुसार, रुपन्देहीको सैनामैनामा बसोबास गर्दै आएका भूसालमाथि प्रहरी प्रशासनले चाँडो कदम नचाले युवा संघ स्वयंले कारबाही गर्ने चेतावनी दिएको छ ।
प्रतिक्रिया