काठमाडौं । गृहमन्त्री ओम प्रकाश अर्यालले आफुले गरिरहेको कार्यसम्पादनका बारेमा भन्न नकिल्ने बाध्यता रहेको बताएका छन् । सामाजिक सञ्जालमा लेख्दै गृहमन्त्री अर्यालले के गर्दैछौं र के गर्यौं भनेर भन्नसमेत नमिल्ने अवस्था रहेको बताएका हुन् । उनले शुद्धचित्तले काम गरिरहेको पनि दाबी गरेका छन् ।
गृहमन्त्री अर्यालले फेसबुकमा लेखेका छन्, ‘गृह मन्त्रालय हरेक हिसाबले संवेदनशील मन्त्रालय हो । कतिपय विषयमा के गर्दैछौं त भन्न मिल्दैन, के गर्यौं समेत भन्न नमिल्ने अवस्था हुन्छ । आफ्नो शुद्ध चित्तले कर्म गरिरहने बाहेक हामीसँग अरु विकल्प हुँदैन ।’ उनको कार्यसम्पादनमा जेनजी अगुवा सुदन गुरुङले प्रश्न उठाइरहेका बेला अर्यालले यस्तो बताएका हुन् ।
उनले पाइलैपिच्छे सुशासनको बाटो हिँडेर देशलाई निर्वाचनमार्फत् निकासमा डोर्याउने सरकारको अभिभारा पूरा गर्ने पनि बताएका छन् ।
प्रतिक्रिया