विप्लवको पार्टीको नाम नेकपा माओवादी, चुनाव चिन्ह गुलाव

काठमाडौं । नेत्रविक्रम चन्द विप्लव नेतृत्वको पार्टीले निर्वाचन आयोगबाट दर्ता प्रमाणपत्र र चुनाव चिन्ह पाएको छ । आयोगले विप्लवलाई नेपाल कम्युनिस्ट पार्टी (माओवादी) नामको दल दर्ताको प्रमाणपत्र र चुनाव चिन्ह गुलावको फूल प्रदान गरेको छ ।

दल दर्ताको प्रमाणपत्र पाए लगत्तै पत्रकारहरूसँग संक्षिप्त प्रतिक्रिया दिंदै विप्लवले नेपाल कम्युनिस्ट पार्टी माओवादी नयाँ अठोट, नयाँ विश्वास र नयाँ अभियानका साथ निर्वाचनमा जाने जानकारी दिए । उनले दल दर्तासँगै नयाँ अभियान सुरु भएको जनाउँदै भोलिबाट हामी देशभरि नयाँ अभियानमा अघि बढ्ने जानकारी दिए ।

विःलवले सर्वपक्षीय अन्तरिम सरकार बनाउन सकिए सबै दलहरूलाई चुनावमा लिएर जान र नयाँ व्यवस्था निर्माण गर्न सकिने निष्कर्ष आफ्नो दलको रहेको स्पष्ट पारे । अघिल्ला निर्वाचनहरु बहिस्कार गरेको र बन्दुकबाट मात्र सत्ता प्राप्त हुन सक्छ भन्ने अडानका साथ प्रचण्ड नेतृत्वको पार्टीबाट अलग भएका विप्लवको पार्टीलाई गुलाव चुनाव चिन्ह प्राप्त भएपछि सामाजिक सञ्जालमा चर्चा पाएको छ ।