काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले युवाहरुले आफ्नो पार्टीलाई वास्तविक अभिभावकको रुपमा बुझ्न थालेको बताएका छन् ।
मंगलबार काठमाडौंको पेरिसडाँडामा आयोजित कार्यक्रममा विभिन्न संगठनका व्यक्तिलाई पार्टीमा स्वागत गर्दै उनले जेनजीसहितका सबै युवाले नेपाली कम्युनिष्ट पार्टीलाई अभिभावक मानेको बताएका हुन् ।
उनका अनुसार ‘सच्चा’ कम्युनिस्टहरू निरन्तर गोलबन्द भइरहेका छन् र युवापुस्ताले समेत नेपाली कम्युनिस्ट पार्टीलाई आफ्नो वास्तविक राजनीतिक अभिभावकका रूपमा बुझ्न थालेका छन्। “हजारौँ युवा पार्टीमा जोडिंदै गएका छन्,” उनले भने। सरकारलाई युवाका सही आवाजमाथि दमन नगर्न सचेत गराइएको उल्लेख गर्दै प्रचण्डले जेनजी पुस्ताका युवाहरूले समेत पार्टीलाई आफ्नै अभिभावकका रूपमा स्वीकार गर्न थालेको दाबी गरे।
प्रचण्डले पार्टीका सबै संरचना छिटोभन्दा छिटो एकताबद्ध गर्दै अघि बढ्नुपर्ने आवश्यकता औंल्याए । विभिन्न संगठनका व्यक्तिलाई पार्टीमा स्वागत गर्दै उनले एकता प्रक्रियालाई संरचनात्मक रूपमा मजबुत बनाउनेतर्फ ध्यान दिनुपर्ने बताए।
प्रतिक्रिया