काठमाडौं । काठमाडौं महानगरपालिकाका मेयर बालेन शाह पितृशोकमा परेका छन्। उनका बुवा रामनारायण शाहको सोमबार मध्यान्ह उपचारका क्रममा निधन भएको हो।
७७ वर्षीय रामनारायण शाह केही दिनदेखि अस्वस्थ थिए । आइतबार नयाँ बानेश्वरस्थित सिभिल अस्पतालमा भर्ना गरिएको थियो। उनी मधुमेह र पिसाबसम्बन्धी संक्रमणबाट पीडित थिए । उनलाई ल्याउँदा नै होस थिएन र स्वास्थ्य अवस्था गम्भीर थियो। चिकित्सकीय उपचार जारी रहे पनि सोमबार मध्यान्ह निधन भएको बताइएको छ।
प्रधानमन्त्री सुशीला कार्की सोमबार बिहान अस्पताल पुगेरबालेनसँग उनको पिताको स्वास्थ्य अवस्थाबारे बुझिन्।
रामनारायण शाहका श्रीमती, दुई छोरा र एक छोरी छन्। पेशाले उनी एक आयुर्वेद चिकित्सक थिए।
प्रतिक्रिया