काठमाडौं । नेपाली कांग्रेसले आगामी वैशाखमा नियमित महाधिवेशन आयोजना गर्ने निर्णयसहित तल्ला तहका पार्टी निकायहरूलाई परिपत्र गरेको छ।
कांग्रेसद्वारा जारी परिपत्रमा विशेष महाधिवेशनको प्रस्ताव निष्क्रिय भइसकेको जनाउँदै नियमित महाधिवेशन वैशाखमै हुने स्पष्ट गरिएको छ। परित्रपत्रमा फागुन २१ गते हुने निर्वाचनलाई सफल बनाउँदै पार्टीको पक्षमा बहुमत हासिल गर्न सबै तह र क्षेत्रबाट सक्रियता देखाउन आग्रह गरिएको छ।
परिपत्रअनुसार माघ ३ गतेभित्र सदस्यता शुल्कसहितको विवरण केन्द्रमा बुझाइसक्न निर्देशन दिइएको छ।
विशेष महाधिवेशनको पक्षमा रहेका महाधिवेशन प्रतिनिधिहरूलाई सम्बोधन गर्दै विशेष महाधिवेशनसम्बन्धी प्रस्ताव मंसिर १५ गते नै स्वतः रद्द भइसकेको उल्लेख गरिएको छ।
प्रतिक्रिया