नेपालगन्ज । बाँकेमा सामाजिक सञ्जाल तथा सञ्चार माध्यममा घृणा, द्वेष र उत्तेजना फैलाउने सामग्रीको नियमन गरिने भएको छ । जिल्ला प्रशासन कार्यालय बाँकेको आह्वानमा आज नेपालगन्जमा बसेको सर्वदलीय एवम् सर्वपक्षीय बैठकले सामाजिक सञ्जाल तथा सञ्चार माध्यममा घृणा, द्वेष र उत्तेजना फैलाउने सामग्रीको नियमन गर्ने निर्णय गरेको हो ।
प्रमुख जिल्ला अधिकारी दिल कुमार तामाङको अध्यक्षतामा बसेको बैठकले त्यस्ता कर्ममा संलग्नलाई कानुनी दायरामा ल्याएर दण्डित गराउने र त्यसको लागि सबैले सहयोग गर्ने निर्णय गरेको छ ।
बैठकले धार्मिक र्यालीलाई ब्यवस्थापन गर्ने, र्यालीमा हातहतियार निषेधित गर्ने, ध्वनी प्रदुषण नियन्त्रण गर्ने, प्रशासनको पूर्व अनुमति लिएर निश्चित रुटमा मात्र र्याली निकाल्न पाइने निर्णय समेत गरेको छ ।
बैठकमा सहभागी धर्मगुरु र समाजका बिभिन्न तहको प्रतिनिधित्व गर्ने अगुवाहरुले धार्मिक सद्भाव र सामाजिक एकता कायम गर्ने प्रतिबद्धता ब्यक्त गरेका थिए ।
प्रतिक्रिया