काठमाडौं । राष्ट्रियसभा निर्वाचनमा नेपाली कांग्रेस, नेकपा एमाले र मधेशी दल लोसपा बीच गठबन्धन भएको छ ।
कांग्रेस, एमाले, नेकपा र मधेशी दलबीच समीकरण बनाउने गरी सुरुमा छलफल भएपनि आफ्नो मतभारअनुसार चार सिट पाउनुपर्ने नेकपाको मागलाई कांग्रेस एमालेले अस्वीकार गरेपछि समीकरण फेरिएको हो । अब नेकपाले १८ वटै सिटमा उम्मेदवारी दिने भएकोछ । नेकपाका संयोजक प्रचण्ड र सहसंयोजक माधवकुमार नेपालले आफ्ना उम्मेदवारहरुलाई टिकट वितरण गरिसकेका छन् ।
आफ्नो मतभारबाट कटाएर एमालेलाई एक सिट थप्नुपर्ने कांग्रेस एमालेको मागलाई नेकपाले अस्वीकार गरेको थियो । यसअघि मंगलबार कांग्रेसलाई ७, एमालेलाई ७, माओवादीलाई ३ र लोसपारजसपालाई १ सिट दिने विषयमा भएको दाबी गरिएको थियो । तर नेकपाले भने चार सिटको अडान छोडेन ।
नयाँ समीकरणअनुसार कांग्रेसले नौं सिट लिएको छ भने एमालेले आठ सिट लिएको छ । यस्तै लोसपाले एक सिट लिएको छ । आज बसेको कांग्रेस कार्यसम्पादन समिति बैठकले उम्मेदवारको टुंगो लगाएको छ । यद्यपी, महामन्त्री गगन थापाले उम्मेदवार चयन र एमालेसँगको समीकरणमा प्रश्न उठाएका छन् । उनले
माघ ११ गते हुने राष्ट्रियसभा निर्वाचनका लागि आज बिहान १० बजेदेखि दिउँसो ३ बजेसम्म उम्मेदवारको मनोनयन पत्र दर्ता गर्ने कार्यक्रम रहेको छ ।
प्रतिक्रिया