काठमाडौं । नेपाली कांग्रेसका कार्यवाहक सभापति पूर्णबहादुर खड्काले आज पत्रकार सम्मेलन गर्ने भएका छन्।
मुख्यसचिव कृष्णप्रसाद पौडेलका अनुसार पार्टी केन्द्रीय कार्यालय सानेपामा आज दिउँसो १ बजे पत्रकार सम्मेलन आयोजना गरिएको हो।
कांग्रेसमा विशेष महाधिवेशनसम्बन्धी उत्पन्न विवाद उत्कर्षमा पुगेको बेला खड्काले पत्रकार सम्मेलन आयोजना गर्नुलाई अर्थपूर्ण रुपमा हेरिएको छ । पत्रकार सम्मेलनमा संस्थापन र शेखर कोइराला निकट नेताहरु उपस्थित हुने बताइएको छ ।
यसअघि बिहीबार बसेको केन्द्रीय कार्यसम्पादन समितिको बैठकले विशेष महाधिवेशन तत्काल रोक्न अपिल गर्ने निर्णय गरेको थियो।
विशेष महाधिवेशन पक्षले भने यसको तयारीलाई तिब्र बनाएको छ । काठमाडौंको भृकुटीमण्डपलाई कांग्रेसी झण्डाले सजाइएको छ । महाधिवशेनमा भाग लिन जिल्ला जिल्लाबाट प्रतिनिधिहरु काठमाडौं आउने क्रम जारी छ । कतिपय जिल्लाले भने विशेष महाधिवेशनमा सहभागी नहुन अपील गरेकाछन् ।
प्रतिक्रिया