काठमाडौं । नेपाली बजारमा शुक्रबार सुनको मूल्यमा उल्लेख्य वृद्धि भएको छ । तर, चाँदीको मूल्यमा भने गिरावट आएको छ। नेपाल सुनचाँदी व्यवसायी महासंघका अनुसार यस दिन सुनको मूल्य तोलामा २१ सय रुपैयाँले बढेको हो।
शुक्रबार छापावाल सुनको मूल्य प्रतितोला दुई लाख ६७ हजार ८०० रुपैयाँ निर्धारण गरिएको छ। यसअघि बिहीबार छापावाल सुन प्रतितोला दुई लाख ६५ हजार ७०० रुपैयाँमा कारोबार भएको थियो।
यसैबीच चाँदीको मूल्य भने ओरालो लागेको छ। चाँदी तोलामा ५५ रुपैयाँले घटेर प्रतितोला चार हजार ७८० रुपैयाँमा झरेको महासंघले जनाएको छ। बिहीबार चाँदी प्रतितोला चार हजार ८३५ रुपैयाँमा कारोबार भएको थियो।
प्रतिक्रिया