काठमाडौं । नेपाली कांग्रेसको देउवा पक्षले फागुन २१ गते हुने प्रतिनिधिसभा निर्वाचनसम्बन्धी कार्यक्रम स्थगन गर्न निर्वाचन आयोगसँग माग गरेको छ ।
निर्वाचन कार्यतालिका रोक्न माग गर्दै पूर्वमहान्याधिवक्ता खम्मबहादुर खातीको नेतृत्वको टोली आयोग पुगेर यस्तो माग गरेको हो ।
यो समुहले आजै निर्वाचन आयोगले विशेष महाधिवेशनबाट चयन भएको नयाँ कार्यसमितिलाई मान्यता दिएको विरोधमा सर्वोच्च अदालतमा रिट दायर गरेको हो । रिटमाथि पर्सि ६ गते सुनुवाइ हुनेभएको छ ।
सोही रिटको प्रतिलिपि बोकेर देउवा पक्ष निर्वाचन कार्यक्रम स्थगित गराउन माग गर्दै आयोग पुगेको हो । सर्वोच्च अदालतबाट अन्तिम फैसला नआएसम्म निर्वाचनसम्बन्धी आयोगका सबै कामकारबाही स्थगन गर्न माग गरिएको देउवा पक्षको भनाइ छ ।
प्रतिक्रिया